Wenn diar s Läba an Korb git, füll in mit schönä Augenblicka

Wenn i uf a Alp wandara isch min Rucksack immer voll.

Doba akho, sitzi uf schönschti Plätzli - ässa a Schniffel Käs und Brot und blieba bis zum Obigrot.

Doch wenn i heilaufa, denn isch min Rucksack wieder voll und zwar mit guater Luna, Heimatgfühl, Kindhaitserinneriga und mit guater Alpaluft.

A guati Farb im Grind hett no kainam kschadad und so bini so erfüllt und dankbar vu dem Bergsega, dass i hin und wieder a Träna vertrucka.

I könnt no viel dervo verzella – vu dem Alpaglück – aber as isch no viel schöner wenn mas erläbt, tüf im Härza trait @Charly Gurt

Gefühlsmomente

Durch Berga hät mis Herz glernt gseh, durch Berga ha i glernt Hektik und Stess hinter miar lo, durch Berga ha i glernt anderi Melodia wohr näh wo ganz tüf in Seel goht, dr Wind wo sis Liad ganz zart singt, Berga sind meh als nur a Quella vo dr Schönheit und vom Glück sie lernen die so viel. Dr Weg durch Berga isch a Herzensreis wia dr Weg noch Dihei. Du muasch nur guat losa und fühla den weisch was i meina. @ Charly Gurt

Sunna wo lüchtet und Wolka wo umherzüchen im goldiga Schimmer, sogar dr Näbel wird sanft vor Sunna küsst, Vögel wo singen ohni Sorga, alles kunnt und goht nur s`wichtigschta hinterloht Spura im Härza, erscht wenn ma mit sich selber im reina isch wird eim bewusst wia schön es isch wenn der Tag eim so sanft begrüesst mit all sina leuchtiga Farba, a kurza Rascht uff dem Bänkli isch gard no a schös Gschenkli.

©Charly Gurt

Alpgfühl

In da Alpa isch es Still worda, ma khört kei Glocka, kei Chlöpfa und au kei Rümpali meh das tuat vielna Weh, der Alpsummer isch vorbie au i khöra gern wia Veh am weida isch, aber gnüssa au jetzt Alp, wenn i allei bin, und i Musik vom Wind khöra und dia erschta Sunnastrahla wo mis Gsicht berühren bis tüf in mis Herz. Wenn ma ganz allei vor Alp ins Tal luagt und ma sini Gedanka und erinneriga Schweifa loht, denn bliebt fascht mis Herz stoh. ©Charly Gurt

Gnüss doch dis Läba und nimm diar akli Zit, es isch doch wia es isch und es kunnt wia es kunnt

Ob Räga oder Sunnaschy ob Rich oder Arm heb es luschtig und fröhlich bis z frieda jeda Tag.

Gnüss doch dis Läba und nimm der akli Zit, aber miar händ eignetlich gar kei Zit meh, es isch hektisch alli müend no öppis macha,alli händ Termina alli secklend um dia ganz Welt kei Ruha und kei Rascht es isch schlimm, eigentlich muass ma fascht säga miar händ vergässa z Läba. Uff eimol bliebt dia Zit stoh und alles isch vorbie das sött üss doch akli z denka kä Drum nümm Diar akli Zit zum Läba. ©Charly Gurt

Bergliabi

I kann dia Stilli vo da Berga losa, ka fühla wia si zu miar red, wia sie mi umhüllt ohni mi s' ienga, sie schenkt miar Geborgaheit.

Berga betüten Frieda wia a tüf versteckta Zauber, wia as Liad wo der Wind singt isch wia unendlichs zarts Liacht wo mis Härz berührt. ©Charly Gurt

In Alpa go cha fascht jeda. Aber Alp im Härza träga das isch eim im Bluat. Alpgfül isch wenn in der Alp a chusch und s'Härz a fangt u huara gumpa wia verruckt uss luter Freut. Alpgfühl isch wenn im Winter durra träumsch das endlich wieder uffa chasch.

Wenn i uf a Alp wandara, denn isch min Rucksack immer voll.
Doba akho, sitzi uf schönschti Plätzli - ässa a Schniffel Käs und Brot und blieba bis zum Obigrot.
Doch wenn i heilaufa, denn isch min Rucksack wieder voll und zwar mit guater Luna, Heimatgfühl, Kindhaitserinneriga und mit guater Alpaluft.
A guati Farb im Grind hett no kainam kschadad und so bini so erfüllt und dankbar vu dem Bergsega, dass i hin und wieder a Träna vertrucka.
I könnt no viel dervo verzella – vu dem Alpaglück – aber as isch no viel schöner wenn mas erläbt, tüf im Härza trait ©Charly Gurt

        Heimat isch… Weisch du au wo es am schönschta isch? nu döt , wo DU am liabschta bisch. Am stilla Morga in der Höchi, kei Sorga in dr Nöchi, wo
        s'Blau isch ob diar zua. Wo kei Lärm stört, dia Ruha. Weisch au wo es am schönschta isch? döt am Bergbächli zua, wo Wasser guat miar tuat, Edelwiis blüen in dr schönsta Fluah, genau das git
        miar immer wider Muat und dia inneri Ruha. So hoch oba uff em Bärg möchte i gera as Hüsli ha wenn i nur Geld gnaug hät derzua. As Älpli im schönschta Sunnaschy nur für mi allei, denn dört wäri immer dihei.
    
        So fühli i und so hät min Papa Gfühlt 4.3.97 ©Charly Gurt

Bärgfrieda

Uff üssi Bärga da ziahts mi hi, i wett am liabschta do oba sii. Luftig und frisch isch es vo früh bis spot. Bärgdohla flügend vo Grad zu Grad Ob Räga ob Sunna nimm es wias kunnt, do bisch du glücklich und z'frieda zu allna Stund. ©Charly Gurt

Menscha wo das Alpgfül nit verstöhnt, läben immer no im Glauba dass ma Glück kaufa kann.Natur und Alpa muasch du tüf im Härza fühla nur den bisch am Himmel so nah. ©Charly Gurt